LlGC Llsgr. Peniarth 38 – tudalen 21r
Llyfr Blegywryd
21r
dyeu hynny; ny ỽeryt. Pỽy bynhac a|dechreuho
gofyn tir yn vn o|r dydyeu hynny; darpar vyd
idaỽ kaffel barn kyn y llall. ac ony|s hyt y dyd
arall; reit vyd idaỽ kyffroi y dadyl megys o ~
neỽyd. a|thyỽyll vyd y dadyl hyt y trydyd naỽ+
uet dyd. Pỽy|bynhac a dechreuho gofyn etif+
edyaeth trỽy ach yn naỽuet racuyr neu naỽ+
uetyd mei. yn|y trydyd naỽuet dyd y dyly ka+
ffel atteb. ac os naỽuetyd mei y dechreu holi.
a|e ohir am varn hyt aỽst. kayedic vyd kyf ̷ ̷+
reith yn|y erbyn hyt naỽuetyd racuyr. ac ve+
lly o|r dechreuir naỽuetyd racuyr; ac na|cha+
ffo barn o vyỽn y|gayaf; kayedic vyd y gỽa+
nhỽyn yn|y erbyn. Nyt reit arhos naỽuetyd
am teruynu tir. namyn pan vynho y|brenh+
in a|e ỽyrda; teruynadỽy vyd. ac ny dylyir
arhos naỽuetyd rỽg dylyedaỽc ac anylye ̷ ̷+
daỽc a gynhalyo tir yn|y erbyn. kyt dango ̷+
sso dylyedaỽc y dylyet o pleit rieni trỽy ach
ac etryt. Teir etifedyaeth kyfreithaỽl ys+
| « p 20v | p 21v » |