LlGC Llsgr. Peniarth 38 – tudalen 57v
Llyfr Blegywryd
57v
mỽy no|chamlỽrỽ. ~ ~ ~ ~ ~
T ri oet kyfreith y|dial kelein rỽg dỽy gen+
edyl ny hanffont o vn ỽlat. vn yỽ ennyn+
u haỽl yn|y dyd kyntaf o|r ỽythnos gyntaf g+
ỽedy llader y gelein ac ony daỽ atteb erbyn
pen y petheỽnos; kyfreith yn rydhau dial.
Eil yỽ o|r bydant y dỽy genedyl yn vn gantref.
ennynu haỽl yn|y trydydyd gỽedy llader y|ge+
lein; ac ony daỽ atteb erbyn pen y naỽuet dyd;
kyfreith a rydha dial. Trydyd yỽ os yn vn gỽ+
mhỽt y|bydant; ennynu haỽl yn|y trydydyd
gỽedy llader y|gelein ac ony daỽ atteb erbyn
y|chỽechet dyd; kyfreith a rydha dial.
T eir dirỽy brenhin ynt. dirỽy ymlad kyfa+
def. a|dirỽy treis. a drỽy* ledrat. Diuỽyn
dirỽy treis morỽyn yỽ gỽyalen aryant. a|ffi+
ol eur. a|chlaỽr eur val y|dyỽespỽyt am eu mes+
sureu yn divỽyn sarhaet brenhin. Difỽyn di+
rỽy ymlad yỽ deudeg|mu. Difỽyn dirỽy ledrat
yỽ. kyssỽynaỽ lledrat ar dyn. a|gỽadu yn da o|r
dyn ar y|tafaỽt. a|gossot reith arnaỽ a|e phallu.
| « p 57r | p 58r » |