LlGC Llsgr. Peniarth 45 – tudalen 55
Brut y Brenhinoedd
55
kynuarch y uab ynteu yn urenhin. Ac yn
ol kynuarch y doeth dan y uraỽt yn urenin.
Ac yn ol dan y doeth morud y uab. Ac* gỽr
hỽnnỽ clotuaỽr uu pei nat ymrodei y cre+
ulonder. Pan lityei nyt arbedei y neb mỽy
noe gilyd. Tec oed ynteu a hael. Ac nyt
oed neb deỽrach. Ac yn|y amser ef y doeth
brenhin moren yr gogled a|llu maỽr gan+
taỽ. Ac y doeth morud yn|y erbyn. Ac gỽe+
dy cael o uorud y uudugolaeth. Erchi a|w+
naeth dỽyn paỽb ataỽ oe elynyon wedy gi+
lyd yỽ lad y lenwi y creulonder. A|thra|uei
yn gorffowys yd archei eu blygyaỽ yn uyỽ.
rac y uron ac gỽedy eu blygyaỽ eu llosgi.
Ac ar hynny y doeth ryỽ bỽystuil aruthgar
y ueint y ỽrth uor iwerdon. A dechreu llync+
cu a gyuarffei ac ef o dynyon. Ac yd a+
eth ynteu e|hun y ymlad ac ef. Ac gỽedy
treulaỽ y arueu. y llyncỽys yr anyueil ef
mal pysgodyn. Ac ny welat wedy hynny
nac ef na|r anyueil. A phum meib a|uu idaỽ
ar hynaf uu Gorbonyaỽn. A hỽnnỽ a gym+
yrth llywodraeth y teyrnas. Araf a|thang+
nouedus hagen oed hỽnnỽ. Ac anrydedu
y dỽyeu a wnai ac unyaỽn wironed a
| « p 54 | p 56 » |