LlGC Llsgr. Peniarth 45 – tudalen 94
Brut y Brenhinoedd
94
taỽ. Ac gỽedy bot ymlad y·rydunt a llad
llawer o bob parth y goruu asclepiodotus
ar brytanneit a|gwasgaru gwyr ruuein.
a|e kymhell ar fo a|llad alectus a llawer
o uilyoed y gyt ac ef. Ac gwedy gwel+
et o lilius Galus kedymdeith alectus cael
o|r bryttanneit y uudugollaeth. Galỽ a
wnaeth attaỽ a dihaghassei o|e gedym+
deithon a|chyrchu caer lundein a chayu
y pyrth a hanhal* y dinas arnunt y geis+
saỽ gochel eu hageu y·uelly. Sef a oruc
asclepidotus y gwarchae ac anuon at
pob tywyssaỽc y uenegi daruot idaỽ ef
llad alectus a llawer o uilyoed y gyt ac
ef a bot a dianghassei o·nadunt yg caer
lundein. Ac erchi y paỽb dyuot attaỽ a
holl porth gantaỽ y geissaỽ diwreidaỽ
gwyr ruuein. yn llỽyr o|r ynys hon. Ac yr
wys honno y doeth paỽb oc a hanoed o ke+
nydyl y bryttaneit. Ac gỽedy eu dyuot y+
no ymlad a|wnaethant ar kaer ar mur+
oed yn drut ac yn galet ac amraual pe+
iranneu. Ac gỽedy gwelet hynny o wyr
ruuein. Erchi a wnaethant y asclepiodotus
eu hellỽng ymdeith o|r ynys heb dim da
gantunt Onyt eu heneideu Can
| « p 93 | p 95 » |