LlGC Llsgr. Peniarth 45 – tudalen 97
Brut y Brenhinoedd
97
a wnaeth Coel attaỽ y erchi tangnheued ac
y rodi darestygedigaeth idaỽ o ynys. prydein. Gan
adu y coel y urenhinyaeth a thalu eu teyrn+
get y wyr ruuein. Ac y rodes constans tangneued
udunt. Ac y kymyrth gỽystlon ar hynny a
chyn penn y mis gỽedy hynny y cleuychỽys
Coel a chyn penn yr vythuet dyd y bu uarỽ.
AC gỽedy marỽ Coel y kymyrth constans
coron y teyrnas. Ac y kymyrth un uerch
oed y coel yn wreic idaỽ Sef oed y henỽ Elen.
A honno uu Elen luydaỽc. Ac ny chaffat y+
n|yr ynyssed a gyffelypei y phryt yr uorỽyn
honno. Ac nyt oed ac* nyt* oed* yg keluydodeu
a gyffelypei iddi. Canys y dat a parassei y
dysgu y·uelly Canyt oed eitiued* namyn hi
ac gỽedy kymryt o constans helen yn wre+
ic idaỽ. y ganet mab idaỽ o·heni. Ac y dodet
arnaỽ Custennnin. Ac ym pen y deng mlyn+
ed gwedy hynny y bu uarỽ Constans ac y
cladỽyt yg kaer efraỽc. Ac yd|edewis y cus+
tennin y urenhinaeth. Ac ar uyrr amser ym+
dangos a oruc Custennin bot yndaỽ boned ma+
ỽr a dylyet ac ymrodi y haelder a gỽneuthur
iaỽnder yn|y arglỽydiaeth ac ymdangos mal
lleỽ dywal y rei drỽc. Ac megys oen y rei da
AC yn|yr amser hỽnnỽ yd [ ar warder.
| « p 96 | p 98 » |