Rhydychen, Llsgr. Rawlinson B 467 – tudalen 37v
Meddyginiaethau
37v
gỽar briỽ ỽreid ẏ celidon a|phimẏgẏl a|ph+
enneu garỻec a gỽin ac emenẏn a dot
ẏn blastẏr ỽrthaỽ. Rac kic drỽc sugẏ+
n a·grimon a mel pur nẏ|s gat ẏ|lẏgru.
Araỻ ẏỽ kẏmer bỽys o|sugun ẏr ẏscabi+
on a|phỽẏs o|r|succur a|e roi ar ẏ|tan a
roi hỽnnỽ ar·naỽ ẏn blastẏr a filogẏ+
na a mel. Y beri kẏscu taro dẏrneit
o|r apium gẏt a|ỻaeth bron gỽreic ẏ|bo
merch n*|ẏ sugno ac ir ỽadneu dẏ dra+
et a|th ar·leisseu. Rac bẏderi kẏmer
ỽer dauat a|thrỽg maharen a ỻath*
bronn a|chẏmẏsc a|dot yn dỽẏm ẏn glust
ac veỻẏ ynẏ vo iach. Araỻ ẏỽ dot mer+
drudyn dinaỽet ẏn ir ẏn glust neu su+
gun ẏ kegit a|gỽaet ỻysỽen pan gẏs+
cẏch neu drỽnc dyn bẏchan. ẏn ir ac ẏn
| « p 37r | p 38r » |