Caergrawnt, Llsgr. Coleg y Drindod O.7.1 – tudalen 45v
Llyfr Blegywryd
45v
yscrybyl bieu talu y llỽdyn a lather
ar deilat a uyd ryd. Or deily dyn
yscrybyl ar y yt. a bot ymdaeru rỽg
y deilat a pherchenhaỽc yr yscrybyl
y deilat bieu tygu caffel y blaeneit
ar olydit* ar yr yt. Or llad yscrybyl
trefgord lỽdyn. ac na ỽypper pỽy a
lladaỽd. doet perchenhaỽc y llỽdyn
a chreir gantaỽ yr tref. A rodent lỽ
diarnabot. Ac odyna talent y llỽdyn
y rif eidon. Ac or byd eidon moel;
ran deu eidon a arnaỽ. Ar gyfreith
honno a elwir llỽyr tal. gỽedy llỽyr
tỽg. Or byd adef ar neb eidon llad
y llall; talet y perchenhaỽc. Un peth
ar dec yssyd a gỽerth pob un o·ho+
nunt yỽ pedeir keinhaỽc cotta; llo
kynfflith. ae theth. pedeir keinhaỽc
pan dotter ieu gyntaf ar ych. A phe+
deir keinhaỽc pan ffrỽyner march
gyntaf. A gỽerth gafyr. A bỽch. Ac
ascỽrn tỽn is creuan. Ac ebaỽl ym+
diuat. A phedeir keinhaỽc y gỽas+
trodyon. A phedeir keinhaỽc heit
| « p 45r | p 46r » |