LlB Llsgr. Cotton Cleopatra A XIV – tudalen 57v
Llyfr Cyfnerth
57v
SEf yỽ meint galanas penkenedyl. tri
naỽ mu a| thri naỽ ugein mu gan tri
dyrchauel. Yn| y sarhaet y telir tri naỽ mu
a thri naỽ ugeint aryant. Galanas vn o
aelodeu penkenedyl a telir o naỽ mu a| naỽ
ugeint mu gan tri dyrchauel. Sef yỽ aelot*
penkenedyl y gar. yn| y sarhaet y keiff naỽ
mu a| naỽ ugeint aryant. Galanas pop
breyr dissỽyd a telir o whe bu a whe ugeint
mu gan tri dyrchauel. Yn| y sarhaet y telir
whe bu a whe ugein aryant. Galanas bon ̷+
hedic canhỽynaỽl a telir o teir bu a| thri v+
gein mu gan tri dyrchauel. Yn| y sarhaet
y telir teir bu a| thri ugeint aryant. Kym ̷+
ro vam tat uyd bonhedic canhỽynaỽl.
heb gaeth a heb alldut a heb ledach yndaỽ.
Os gỽr breyr uyd bonhedic canhỽynaỽl
pan lather whe bu a geiff y breyr y| gan y
llofrud or alanas. Yr brenhin y daỽ tray+
an pop galanas kanys ef bieu kymhell
yn| y lle ny allo kenedyl gymhell. Ac a gaf+
| « p 57r | p 58r » |