LlB Llsgr. Cotton Cleopatra B V rhan i – tudalen 151r
Brenhinoedd y Saeson
151r
ef llu mawr y bowys yn erbyn moredud ap bledyn a mei+
bion Cadwgon. Eynion. Madoc. A Morgant. ac anvon ona+
dunt wyntev ar Grufud ap kynan arglwid Mon y ervyn+
neit ydaw dyvot y amdiffin ev tervynev rac y brenhin.
Ac yntev a wnaeth hedwch a·dan llav ar brenhin ac a+
daw ev diva wynt o deleynt yw gyuoeth ef. A gvedy
klywet onadunt vot y brenhin yn dyvot anvon gvei+
sion ieweinc y ymseithu ac wynt a|llad llawer ona+
dunt a brathu ereill. a medrut y brenhin a saeth a
rac daet yr arvev nyt argywedawt arnaw. Ac yna
anvon yn ol Moredud a meibion Cadwgon y dyuot
ar gret y ymwelet ac ef. ac yna y gwnaethant hed+
wch ac ef yr.x. mil o warthec. Ac yna y dychwelavd
y brenhin y loegyr. Pan oyd oet crist.mcxix. hedwch
uu y vlwydyn honno. Pan oyd oet crist.mcxx. y llas
Grufud ap sulhayarn y gan Gruffud ap Rys. Pan oed
oet crist.mcxxi. y bu varw Eynion ap Cadogon. ac y gor+
chmynnws y voredud y vrawt y ran o bowis a meirion+
nyd yr hwn a dugassei y gan vchdryt. ac y doeth Mo+
redud ap bledyn y gevynderw. ac Jthel ap Ririt ap ble+
dyn a ellynghessit o garchar henri vrenhyn. a dwyn y
ar Moredud ap Cadogon y randiroed a orchmynnws
y vraut ydaw. A gwedy klywet o Grufud ap kynan ry
wrthlad Moredud ap kadwgon y gevynderw. anvon a
oruc y deu vab catwallawn ac oweyn a llu gantunt
ac goresgynassant Meirionnyd hyt yn llyn. Pan oyd
oet crist.mcxxij. y lladawt Moredud ap bledyn. Jthel
ap Ririt ap bledyn y gevynderw. ychydic gwedy hyn+
ny y lladawt Catwallawn ap Grufud ap kynan. y tri
ewythyr. Gronw. Ririt. Meilir. meibion Owein ap ed+
wyn. Canys Angharat ferch owein oed wreic y Grufud ap
kynan a mam y gatwallawn. Owein a chatwaladyr.
a llawer o verchet. yn|y vlwydyn honno y lladavt Morgant
| « p 150v | p 151v » |