LlB Llsgr. Cotton Cleopatra B V rhan ii – tudalen 176r
Llyfr Cyfnerth
176r
enhin. Neỽ y|gan y|penteulỽ. Arall y|gan y
vrenhines. Ar trydid y|gan y|distein. llam+
ysten dof a|geiff bop gwyl vihangel y|pen+
kynyd y|gan yr hebogyd. Ancwyn a|geiff
yn|y|letty nyd amgen no seic a|chorneid o|ỽed
neỽ o|lyn arall. Ef bieỽ traean dirwy a|ch+
amlwrw ac ebediw a|gobyr eỽ merched.
y|kynnydyon ereill oll. Yn deu hanner ar
brenhin. Egyd ar brenhin yd vydant y
kynnydyon o|r nodolyc hyd pan ellyngh+
wynt a|ewiged yn|y gwahanwyn. O|r pan
dechreuhont hely yn|y kynteuin hyd naw+
vetid mei ny wrthebant y|nep a|e holoent
Ony byd swydawc llys. E|tir yn ryd a|geiff.
March bithosseph a|geiff y|gan y|brenhin. Dwy
ran a|geiff o|r ebran. Pedeir keinyawc kyfur+
eith a|geiff y|gan pob kynyd milgi. Ac wyth
keinyawc kyfureith a|geiff y|gan pob kynyd
gellgi. Penkynyd bieỽ canỽ y corn pan ỽo
yawn idaw. indit anreith. A|dewissed y|eidon.
| « p 175v | p 176v » |