LlB Llsgr. Cotton Titus D IX – tudalen 66r
Llyfr Blegywryd
66r
yỽ; etiuedyaeth a|gaffer trỽy amot kyure+
ithaỽl y|gann y|perchenn yr gỽerth. Trydyd
yỽ; etiuedyaeth a|gaffer trỽy amot kyur+
eithaỽl o|vod y|perchenn heb werth. O|R
gỽnneir eglỽys o|gannyat y|brenhin y
myỽn tayaỽctref. ac offeirat yn offere+
nu yndi. a|e bot yn gorfflan hi; ryd vyd
y|tref honno o|hynny allann. Pỽy|byn+
nac a|holho tir eglỽyssic nyt reit arhos
naỽuettydyeu ymdanaỽ. namyn agoret
vyd gỽir idaỽ pan y|mynho. O|R kymer
tayaỽc brenhin mab breyr ar vaeth
gan gannyat y|brenhin. kyurannaỽc
vyd y|mab maeth ar|tref tat y|tayaỽc
mal vn o|e veibon e|hun.
P ann rannho brodyr tref eu tat
yrydunt. yr ieuhaf a|geiff y
tydyn arbennic. a|holl adeil y
tat. ac wyth ero o|tir. a|e galla+
ỽr. a|e vỽyell gynnut. a|e|gỽlltỽr. kanny
eill tat rodi y|tri hynny namyn y|r mab
ieuhaf. a|chynn gỽystler ỽynt ny dygỽ+
ydant vyth. Odyna kymeret pob braỽt
eissydyn ac wyth ero*. a|r mab ieuhaf
a|rann. ac o|hynaf y|gilyd deỽis hyt at
y|ieuhaf. Teir gỽeith y|rennir yr vn tref
| « p 65v | p 66v » |