Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 83v

Llyfr Blegywryd

83v

ymlad. lle ny a* |ladher dyn. herỽyd meint
y|sarhaet y|dyry y|reith. O|r gỽnneir an  ̷+
naf ar dyn trỽy ymlad; o|r gỽedir. llỽ deg+
wyr a|deugeint a dyry. O|r byd gỽaet. neu
gleis. gỽaet o|benn hyt gỽll. o|lỽ tri dyn
y|gỽedir. O|benn hyt wregrys. o|lỽ whech.
O|benn hyt laỽr. o lỽ naỽ y|gỽedir. ac ve+
lly y gỽedir cleis a|triccyo tri naỽuettyd.
Y neb a|watto llosc. neu y|haffeitheu. llỽ
degỽyr a|deugeint a|dyry. ac o|r lloscir dyn
yno. tri dyn diouredaỽc a|dylyant vot
ynn|y reith. O|lourudyaeth a|uo kynn+
llỽyn. neu vurdurnn. megys cudyaỽ kel+
ein. neu lad dyn heb weli yn lletrat hyt
nos. os gỽedir. reith deudyblyc a|rodir.
O|r telir. tal deudyblyc a|telir y|r brenhin
dros dirỽy. ac y|r gennedyl dros sarha+
et ac galanas. Y neb a|watto lletrat
neu y haffeitheu. llỽ degwyr a|deugeint
a|dyry. ac velly am treis. neu gyrch ky+
hoedaỽc. neu torr gỽarchae o|r holir y
treis neu yn lletrat. Y neb a|watto sar+
haet heb waet. neu gleis. gỽadet ar|y
lỽ e|hun yn erbynn geir y|llall. Gwyby+
dyeit ym|pob dadyl grym tystonn a|gyn+
halyant. a chystal a|allant. ac a|digaun