Llsgr. Caerdydd 1.363 (Hafod 2) – tudalen 37v
Brut y Brenhinoedd
37v
ar bỽrgwynwyr gwedy arỽerỽ o|r wudỽgolyaeth
a|e hymlydassant y ffreync hep orffowys hyt pan da+
lyhassant y brenhyned ac eỽ kymell wynteỽ y ỽrh+
aỽ ac y wedỽ vdvnt. A chyn penn y wlwydyn y key+
ryd ar dynassoed ar kestyll kedyrn a dy·wreyd+
assant a Goreskyn yr holl teyrnas. Ac o|r dywed g+
wedy darỽot ỽdvnt goreskyn pob ỽn o|r teyrna+
ssoed wynt ac eỽ holl kynnỽlleytỽa a aethant pa+
rth a rỽueyn kan anreythyaw y gwladoed ar tyr+
dywyllodryon trwy yr eydal.
AC yn yr amser hỽ nnw yd oedynt deỽ tyw+
yssaỽc yn gwledychỽ rỽueyn. Sef oedynt yr
rey hynny Gabyỽs a phorssenna ac y llywodraeth yr
rey hynny y d·arestyghey gwlat rỽueyn a|e hamerodra+
eth. Ac gwedy gwelet onadỽnt nat oed ỽn wlat a
alley gỽrthwynebỽ dym y dywalder a chreỽlon+
der ỽely a bran o kytsynhedygaeth senedwyr
rỽueyn y doethant y erchy tagnheved a dyỽnndep
y ganthỽnt. Ac yr kaffael hynny llawer o evr ac a+
ryant yn teyrnget ỽdỽnt bob blwydyn. a gwystl+
on y kadarnahaỽ hynny. yr gadỽ ỽdỽnt wynteỽ eỽ
kyỽoeth yn hedvch. Ac gwedy kymryt y gwystlon
| « p 37r | p 38r » |