Llsgr. Caerdydd 1.363 (Hafod 2) – tudalen 90v
Brut y Brenhinoedd
90v
AC gwedy kymryt kynghor onadvn kvhelyn
archescob llvndeyn a aeth hyt em brytaen ve+
chan er honn a elwyr llydaỽ y keyssyav kanhwrt+
hwy a nerth a phorth y gan ev kytvrodyr. Ac en
er amser hvnnv ed oed aldwur vap kynvavr en
pedweryd gwr en gwledychv gwedy kynan mey+
ryadavc en llydaỽ. Ac gwedy gwelet o|r gwr hvnnv
person kyfvrd ac oed er archescob y erbynnyeyt
a|e arvoll en anrydedvs a orvc a govyn ydav achavs
y dyvodedygaeth attav entev. Ac en e|lle kvhelyn ar+
chescob a dywaỽt wrthav val hynn. Amlvc a danlly+
wychedyc y|th vonhed ty ac ar cvynvan e|dylyvt
ty kyffroy o klybot e poen ar trveny ed ym ny
de kytvrytanyeyt ty en|y odef yr pan espeyly+
vs maxen en enys ny o|y marchogyon. ac a osso+
des wynt en e teyrnas ed wyt ty en|y medv. a gwyn
y vyt a weles gan hedvch a tangnheved en wa+
stat y medv ohonaỽt. kanys gwedy dwyn o
vaxen y marchogyon o enys prydeyn e ky+
vodassant gwyr er enyssoed essyd en|y chy+
lch ac anreythyav en enys nynhev o holl a+
mylder golỽt o|r a oed endy o evr ac aryant
ac alaỽoed ereyll. a|e hadaỽ hytheỽ en wac ac
| « p 90r | p 91r » |