LlB Llsgr. Harley 958 – tudalen 2r
Llyfr Blegywryd
2r
sỽẏdaỽc ar|hỽgeint. a|r deudec gwestei
A|e teulu A|e uchelwẏr. A|e vaccỽẏeit. A|e ger+
dorẏon. A|e reudusson. Gỽrthrẏchẏat nẏt
amgen ẏr etlẏg ẏr hỽn a dẏlẏo guledẏchu
gỽedẏ ef. a dẏlẏ·ir ẏ enrededu ẏ·mlaen paỽb
ẏn|ẏ llẏs eẏthyr y brenhin a|r ỽrenhines.
A hwnnw a vẏd mab neu vraud ẏ|r brenhẏn
Y le a vẏd ẏn|ẏ neuad am ẏ tan a|r brenhin
ac ẏn nessaf idaỽ ẏ braỽdỽr ẏ·rẏdhaỽ a|r
golofẏn. ac ẏn eil nessaf idaỽ ẏr offeirat
tẏulu. Ac o|r parth araỻ ẏ|r etlẏg penkerd y
wlat. Gwedẏ hỽnnỽ nẏt oes le dẏlẏedus
ẏ neb o|r parth hỽnnỽ. Gwerth ẏr etlẏg ẏỽ kyff+
elyp ẏ werth ẏ brenhin eithẏr ẏ trayan yn
eisseu. Gwerth pob vn o|r etiuedẏon o r
a perthẏnont ỽrth ẏ teẏrnas ẏỽ traẏan gwerth
y brenhin. Ac ẏ·ueỻẏ gwerth sarhaet pob vn
ohonunt heb eur heb arẏant. Ẏ|brenhin bieu
rodi ẏ|r etlẏg ẏ hoỻ dreul a|e hol gẏfreidẏeu ẏn
enrẏdedus. Ẏ letẏ ẏr etlẏg ẏỽ neuad ẏ brenhin
a chẏt ac ef ẏ bẏdant ẏ|macỽẏeu. A|e kẏnudỽr
a dylẏ kẏnneu tan idaỽ a|chaỽ ẏ drẏsseu gỽedẏ
yd el ẏr etlẏg ẏ|gẏsgu ẏn diogel. Ancỽẏn a
geiff yn dẏuessur kanẏs digaỽn a dẏlẏ. Tri
ryw dyn ẏssẏd brenhin. a breẏr. a bilein. ac eu
haelodeu Aelodeu brenhin ẏnt ẏ rei a perthẏno
| « p 1v | p 2v » |