LlB Llsgr. Harley 958 – tudalen 35v
Llyfr Blegywryd
35v
coed deu sỽỻt. O|r dẏgir bẏdaf ẏ ledrat
a|thorri ẏ pren ẏ bo ẏndaỽ. gỽerth ẏ pren
gẏt a gwerth ẏ vẏdaf a telir ẏ arglỽẏd
ẏ tir. Y neb a gaffo bẏdaf os dengẏs ẏ per+
chennaỽc ẏ tir. pedeir keinhaỽc a|e ginẏ+
aỽ a geiff. neu ẏ cỽẏr oỻ. Nẏ|thal neb
heit onẏt pedeir keinhaỽc. ẏnẏ vo tri·dieu
ẏn wastat trỽẏ awel eglur. dẏd ẏ geissaỽ
ỻe. A dẏd ẏ uudaỽ. A dẏd ẏ orffowẏs. Y
neb a gaffo heit ar tir dẏn araỻ. pedeir
keinhaỽc a geiff ef. ẏ gan perchennaỽc
ẏ tir o|r mẏn ẏnteu ẏr heit.
A elodeu vn werth ẏ dẏn ẏnt. ẏ rei hẏn
dỽẏlaỽ. deu troet. deu lẏgat. deu glust.
froeneu ẏn ỻe vn aelaỽt. dỽẏ weus. hwe
bu a hweugeint arẏant ẏỽ gỽerth pop vn
o hẏnnẏ. O|r trẏch·ir clust dẏn ẏmdeith.
a|chlẏbot o|r dyn arnaỽ mal kẏnt. dỽẏ uu
a deu ugeint arẏant a tal. Gỽerth bẏs ̷ ̷
buch ac ugeint arẏant. Gỽerth ẏ vaỽt
dỽẏ uu a|tal a deu ugeint arẏant. Keiỻ+
eu kẏ·meẏnt yỽ eu gỽerth a gỽerth ẏr
aelodeu vrẏ oỻ. Tauaỽt e hunan kẏ+
meint ẏỽ ẏ werth a gỽerth ẏr hoỻ aelo+
deu. Sef a tal hoỻ aelodeu dẏn pan gẏf+
| « p 35r | p 36r » |