Rhydychen, Llsgr. Coleg yr Iesu 57 – tudalen 260
Llyfr Blegywryd
260
yn kynnal na|dyn dirgeledic o|r gỽaet y tyfo yr ia+
ỽn idaỽ oblegyt yr hir odef. nac estraỽn a erbyn+
nyo gỽedy bo enniỻedic y iaỽn trỽy amseroed
y teir|oes. kanys y hỽnnỽ y mae dirgeledic y gyf+
reith megys y neb a|hanffo o|r gỽaet ny bo gaỻel
profi y vot yn|gamwresgynnỽr ar y neb y tyfei
yr iaỽn idaỽ. a|r dadylwryaeth honno nyt perthy+
naỽl yn|erbyn y camỽresgynnỽr hỽnnỽ. onyt
yn|y ỻe y retto un o|r hen dylyedogyon ar y ỽres ̷+
gyn gan dywedut yn|y amdiffyn. na|damchwei ̷+
nyaỽd etiuedyaeth idaỽ y gan y|neb a|e hardelỽo.
ac yn|y mod hỽnnỽ amheu y berchennogaeth
o gỽbyl yn|y ỻe y paỻo idaỽ arwein iaỽn ar ky+
ffelybyon. Tryded argaedigaeth* yỽ. gaỻu o
attebỽr dodi yn erbyn haỽlỽr godef o·honaỽ
e|hun. neu haỽl tra|blỽydyn. neu ovyn dylyet
kychỽynnaỽl yn dydyeu dydon. neu ouyn eti+
uedyaeth o ach ac etryt yn amser kaeedic kyfre+
ith. neu dechreu. kyfreith. gỽedy hanner|dyd proue+
dic trỽy not hyspys a|e kyffelybyon. a|r kyf+
ryỽ argaeedigaeth honn a|e chyffelyb a|elwir
| « p 259 | p 261 » |