LlGC Llsgr. Llanstephan 27 (Llyfr Coch Talgarth) – tudalen 101r
Mabinogi Iesu Grist
101r
ac yn gỽarandaỽ. ac a|dechreuaỽd darỻein. nyt petheu ys+
griuennedigyon yn eu ỻyfreu ỽy a|darỻeei ef. namyn
petheu o yspryt duỽ byỽ. a nerthoed yr hoỻ·gyuoethaỽc.
yny dygỽydaỽd yr athro y|r ỻaỽr a|e adoli. a|chaỻonneu y
rei a|oed yn|gỽarandaỽ arnaỽ yn|dywedut hynny a|ery+
neigyaỽd. A phan|gigleu ioseph hynny dan redec ef a do+
eth att iessu rac ovyn marỽ yr|athro. Pan weles yr ath+
ro ef yn dyuot y dywaỽt ỽrthaỽ. Nyt disgybyl a|rodeist|di
ymi namyn athro. pỽy a|dichaỽn kynnal y eireu ef. Ac
yna y kyflenwit y geireu a|dywetpỽyt yn|y saỻỽyr. auon
duỽ a gyflenwit o|r dyfred. ~ ~ ~
G wedy hynny yd aethant meir a Jessu a Joseph hyt
y dinas a|elwit capharnaỽn. trỽy aruordired rac
drycket y bobyl a|wrthỽynepynt udunt. a gỽedy pressỽy+
laỽ o Jessu yn|y dinas hỽnnỽ. yd oed neb·un wr a|elwit Jo+
seph. a berthaỽc oed. a hỽnnỽ a oed a niuer maỽr uch y
benn. ac ynteu yn varỽ. a|r niuer yn udaỽ ac yn gỽeidi. a
Jessu yna a|dywaỽt ỽrth Joseph y datmaeth. Paham na
rody di aỻu dy rat y|r gỽr a vu uarỽ. ac oed vn enỽ a|thi.
a Joseph a|e hattebaỽd yna. Pa aỻu yssyd y mi neu pa ued+
yant yssyd y rodi benffic rat y neb. Yna y|dywaỽt iessu
tynn y ỻiein yssyd am dy benn a gossot ar|wyneb y gỽr
marỽ. a dywet ỽrthaỽ. Jessu a|th oỻỽng. ac yn|diannot y
kyfyt yn iach o|e wely. a Joseph yna ar|hynt a|wnaeth mal
y gorchymynnaỽd iessu idaỽ. Y dy y gỽr marỽ y doeth. a|r
suder a|oed am y benn a ossodes am benn y gỽr marỽ. ac yn|y
ỻe y kyuodes y gỽr marỽ y vyny o|e glaf·wely. ac a|o·vynnaỽd
| « p 100v | p 101v » |