LlGC Llsgr. Llanstephan 27 (Llyfr Coch Talgarth) – tudalen 24r
Ystoria Lucidar
24r
Kymeint ac a|dywedeis i ytti a mỽy no hynny heuyt ỽynt a|e
kaffant. discipulus O aỻu y seint. Magister Amlet kyfoeth a gaỻu alexander
a|vydei gyvyngdỽr a|goual ganthunt ỽy. kanys kymeint
vyd eu medyant. ac y geỻynt wneuthur nef newyd a|daear
newyd os mynnynt. kanys meibyon duỽ ynt ỽy. a chyt·etiued+
yon y grist. ỽrth dwyweu ynt. ac ỽynt a aỻant bop peth o|r
a|vynnont. discipulus Paham na|wnant ỽynteu nef araỻ. Magister Nyt
edewis duỽ dim yn angkỽbyl pan wnaeth pob peth yn ber+
ffeith o vessur a rif a|phỽys. a|phei gỽnelynt ỽy nef araỻ
gormod vydei hynny. a ỻawer o betheu a|aỻỽn ni eu gỽ·neu+
thur pei as|mynnem ac ny|s gỽnaỽn. megys ỻamu neu
redec. a hynny a gredir y aỻu o|r ebystyl ac o|r seint uchaf.
A|niheu* heuyt yỽ o|chenetteir ynni vuchedockau yn eu gỽas+
sanaeth ỽy. ac am y rei gỽirion oỻ y dywedir. ỽynt a|vydant
gyffelyb y|r engylyon. megys weithon pei delei vrenhin hei+
byaỽ. a gỽelet ohonaỽ dyn gỽann yn gorwed yn|y dom. a
pheri ohonaỽ y dyrchafel a|e olchi a|e wisgaỽ o|e diỻat e|hun.
a|e gymryt yn vab idaỽ. a rodi brenhinyaeth yn dref·tat idaỽ.
veỻy pan weles duỽ ninneu yn ỻỽch pechaỽt yn|dyrchafa+
el y vyny drỽy ffyd. ac y|n golches o dỽfyr y bedyd. a rodi e+
nỽ yn deilyngaf e|hun arnam. a|n gỽneuthur yn* gỽneuthur*
yn etiuedyon ar y|deyrnas ef. megys y dywedir. Y saỽl a|e
kymerth efo. ef a|rodes medyant udunt y vot yn veibyon
y duỽ. a|hynny y|r neb a|gretto yn|y enỽ ef. a|chyt caffo vn
gogonyant yn ragoraỽl rac araỻ herwyd eu gobrỽyweu.
Eissyoes paỽb a|gaffant vn ty y tat o nef kyt boet o amryf+
ael gyvanhedeu. yr vn gyfloc hagen a gaffant ỽy o|edrych
| « p 23v | p 24v » |