LlGC Llsgr. 3035 (Mostyn 116) – tudalen 13v
Ystoria Dared
13v
vdunt beth a|gerdynt y·veỻy yn aruaỽc hyt nos parth
a|r castel ac iỻuxes a|diomedes a|dywedassant y bot yn
genadeu at briaf y gan agamemnon a|phan gigleu
priaf dyuot y|kenadeu a|traethu ohonunt yr hyn a
damunei ef galỽ a|wnaeth y|hoỻ dywyssogyon yn|y
gygor ac ef a|datkanỽys vdunt dyuot kenadeu y
gan agamemnon y adolỽyn kygreir deir blyned ac
ector a gymerth yn drỽc arnaỽ hẏt yd oed yr adolỽyn
ac yna priaf a o·vynỽys a oed da gan paỽb rodi yr
oet. ac y|baỽb yn gyfun y reghis bod gỽneuthur
kygreir teir blyned a gỽyr goroec ac yna gỽyr go+
roec a adnewydasant eu muroed a|phob rei o·honunt
o|pop parth a vedeginyaethassant eu brathedigyon
ac a gla·dassant y rei meirỽ yn an·rydedus. ac yn
hyny y|daruu yspeit y|teir blyned ac y deuth oet yr
ymladeu ac ector a|throilus ac eneas a dynassant
eu ỻu y|maes. agamemnon a|menelaus ac achil
ac aerua vaỽr a vu yrydunt. ac yn yr ymgyuaruot
hỽnnỽ ector a ladaỽd frigius ac antipus ac aminoneus
tywyssogyon o roec ac achil a|ladaỽd liconius ac eu+
frabus. a ỻawer o vilyoed o|r bobyl o|pop parth a|dy+
gỽydassant ac yn greulaỽn yr ymladassant dec|ni+
warnaỽt ar|hugein y·gyt. a|gỽedy gỽelet o briaf ry
lad ỻawer o|e lu kenadeu a anuones at agamem+
non y a·dolỽẏn kygreir whe|mis idaỽ ac o gytsynedi+
gaeth y gyghorwyr agamemnon a ganattaỽys y
kygreir ac amser yr ymladeu a|deuth a deudec ni+
warnaỽt ar vntu yn greulaỽn yr ymladassant a|ỻa+
wer o|r tywyssogyon deỽraf o|pop tu a|las a|ỻawer a
vrathỽyt. ac yna agamemnon a anuones at priaf
| « p 13r | p 14r » |