LlGC Llsgr. 3035 (Mostyn 116) – tudalen 19v
Ystoria Dared
19v
kyfnessaf y|achil ac aiax a dywaỽt kanys ef oed vab ẏ
vab y achil. Nẏt amgen no neopolonus nat oed iaỽn+
nach y neb gael y arueu a|e da noc idaỽ ef a chyg+
hori a|wnaeth gỽahaỽd neopolonius y|r ymlad a|rodi
idaỽ hoỻ da a hoỻ arueu y|tat. a|da vu gan a·gamem+
non gygor aiax ac ef a anuones menelaus at lico+
medes ewythẏr neopolonius y erchi idaỽ anuon
y|nei y|r ymlad a|licomedes a anuones neoptolonius
y|nei yn ỻawen at|wyr goroec ac yna gỽedy dar+
uot y kygreir. a·gamemnon a deuth a|e lu y|maes
ac a|e dysgỽys ac a|e hanoges yn graf ac yn eu
herbẏn ỽynteu y|deuthant gỽyr troea o|r gaer
ac ymlad a|wnaethant ac yn|y vrỽydẏr gyntaff
aiax a ymrodes yn oet. a son vaỽr yn|y ỻu a ỻawer
a dygỽydyssant o|pop parth ac alexander a a·nelỽys
y vỽa ac a ladaỽd o|wẏr groec ac a vrathỽys aiax ẏn|ẏ
ẏstlẏs yn noeth ac ynteu yn vrathedic a ymlynỽys
alexander ac nyt ymedewis ac ef yny ỻadaỽd ac
aiax yn dolurus o|r brath ac yn ỻudedic a ymhyoeỽysoeles
y|r ỻuesteu ac val y|tynỽyt y|saeth ohonaỽ y|bu varỽ
a chorf alexander a ducpỽyt y|r gaer a diomedes o|ỽ+
raỽl vedỽl a|duc ruthur o|e alon a gỽyr troea a|fo+
assant hyt y|pyrth a|chadỽ eu pyrth a wnaethant ỽy
wedy y ymlit o|diomedes hyt y gaer ac yna a·gamem+
non a duc y lu yg|kylch y casteỻ a|r nos hyt y|boreu
yr eistedỽys gỽyr goroec yg|kylch y|kestyỻ a|r|muroed
ac y gossodesant wersyỻeu y|wlat pop eil·wers a|thran+
oeth priaf a gladỽẏs alexander y vab yn anrydedus
ac elen vanaỽc wreic alexander a|chỽynuan vaỽr
genti a|e hymlynỽys hỽẏ. a|phriaf vrenhin ac ecuba
| « p 19r | p 20r » |