LlGC Llsgr. 3035 (Mostyn 116) – tudalen 4v
Ystoria Dared
4v
rac ỻaỽ os y|dat a|e mynei. kanys ymdiret a|wnaei ef
caffel clot o|e deleidrỽyd gỽedy y|gorffei ar y|alon a|dyuot
yn iach adref a budugolyaeth gantaỽ. ac ef a|dywaỽt
gỽedy y|uynet y hela y|r forest a|elwit ita ry|welet oho+
naỽ ef drỽy y|hun y duỽ a|elwit mercurius ac yn dỽyn
attaỽ deir dỽywes. nyt amgen no iuno dỽywes y|te+
gỽch. a venus dỽywes godineb a minerua dỽywes
y|nerth ac erchi idaỽ ef varnu pa vn deckaf onadunt
ac yna yd edewis uenus dỽywes aniweirdeb idaỽ ef
o|barnei ef y|phryt hi yn dyckaf*. pereru* idaỽ ef y|wreic
deccaf a vei yg|groec. a gỽedy clybot ohonaỽ ynteu
hynẏ ef a|e|barnỽys hi yn deckaf ac o|hyny y gobeith+
ỽys priaf kaffel o alexander gan venus kanhorthỽy
rac ỻaỽ ac yna deiphebus a|dywaỽt vot yn da gan+
taỽ ef gygor alexander. Kanys gobeithaỽ yd oed ef
kaffel etryt esoniam a iaỽn am y kameu a wnaeth+
pỽyt y|wyr groec os ỻyges a anuonit y|roec mal yd
oedynt yn eu darparu. Helenus ynteu a dehogles
ac a dewinyỽys rac ỻaỽ o|distryỽ gỽyr goroec kaer+
droea ac o elynaỽl laỽ y|deỻit yno y|brodyr hỽẏ
ac eu ryeni. Troilus ynteu ỻeiaf mab y|briaf oed
herwyd oet ac nyt oed leiaf herwyd nerth namyn
ryssỽr kadarn a anoges ymlad a gỽyr groec megys
ector ac na dylyit kymryt ofyn geireu elenus
ac y·veỻy yd erchis y|baỽb darparu ỻyges a|e|hanuon
y|roec. Priaf ynteu a anuones alexander a deiphebus
y|r|wlat a elwit poenia y|dewis marchogyon ac a|erchis
y|r bobyl dyuot ygyt y|r|wys ac ef a|wnaeth y|r mei+
bon ieuaf idaỽ vot ỽrth gygor y|rei hynaf. ac yna
gỽedy dyuot paỽb ygyt ac ef a|dangos vdunt
| « p 4r | p 5r » |