LlGC Llsgr. 3036 (Mostyn 117) – tudalen 122
Brut y Brenhinoedd
122
net ni Ac y|n magỽyt. Vn yỽ honno o wladoed germa
Achaỽs an dyuodedigaeth ninheu yỽ y rodi an gỽa+
ssanaeth itti neu y|tywyssaỽc arall a wnel da in.
Ac nyt oes achaỽs y an gỽrthlad oc an gulat nam+
yn a|dywedỽn itti heuyt. Sef yỽ hynny. gulat
vechan gyfyg yỽ an gỽlat ni. A phan amlahont
y pobyl mal na anhỽynt yndi. Sef yỽ eu kyneua*+
ỽyt. kynnullaỽ holl wyr ieueinc y wlat rac bron
eu tywyssogyon. A bỽrỽ prenneu y·rydunt. Ac
megys y del y|coelbren udunt yd|etholir ac yd|ell+
ygir y wladoed y byt y|myỽn llogeu megys y gue+
ly ti y geissaỽ gossymdeith. Ac yuelly rydhau an
gulat o tra·amhylder pobyl. Ac ar aỽr hon arglỽ+
yd heb ef yd amlaỽys kiỽtaỽt yndi. hyny uu re+
it ethol yr ieuenctit a|wely ti yma rac dy vron.
Ac erchi udunt ufydhau ỽrth y|gyneuaỽt a|r gyf+
reith a oed ossodedic yr y dechreu yndi. A ninheu
y deu uroder a wely ti yn tywyssogyon arnadunt.
kanys o lin brenhined yd henym. Sef yỽ vy e+
nỽ i; hengyst. A hors yỽ enỽ vym braỽt. A hyn ̷+
ny arglỽyd a|ry|fu reit i|ninheu ufydhau ỽrth y
gyfreith a|uuassei yr|y dechreu. Ac y doetham
hyt dy vrenhinyaeth ti. yn|yd oed mercurius
an duỽ ni yn an tywyssaỽ. A phan gigleu y bre*+
enhin kyrbỽyll mercurius. drychafel y ỽyneb
a oruc a gouyn py ryỽ gret yssyd genhỽch. Ac yna
y dywaỽt hengyst. Arglỽyd heb ef an tatolyon
| « p 121 | p 123 » |