LlGC Llsgr. Peniarth 11 – tudalen 203bv

drỽydaỽ y geniuer gỽeith y mynnei. Ac megys y gỽely di gy+

weirdeb y rei hynn ueỻy y kyweirya ef kỽbỽl o|r ỻeiỻ ar y kaf  ̷+

fo ỻe ỻaỽ arnunt. O ba|wlat y doeth y gỽr hỽnnỽ heb·yr arthur.

Arglỽyd heb ỽynteu ef a|doeth o gasteỻ y kewri. ac y mae yn ry+

uelu arnat o achaỽs logrin gaỽr yr hỽnn y|duc kei y benn yma.

ac ef a|dyngaỽd na bydei lawen vyth yny darffei idaỽ y dial ar+

nat ti neu ar y rei mỽyaf a|garut. Duỽ a|m di·ango heb·yr arthur.

rac gỽr kyndrỽc ac ef. Ar hynny y brenhin a gyuodes y vyny o

vỽyta. ac a|˄erchis dỽyn y gỽyr hynny o|e cladu. a|r ỻeiỻ a aethant

adref pan daruv udunt dywedut eu neges. Yna arthur a el

elwis gỽalchmei a|laỽnslot attaỽ. ac a ovynnaỽd pa|ryỽ gyng+

or a|eỻynt y wneuthur rac y ryỽ ormes hỽnnỽ. arglỽyd heb ỽyn+

teu nyni a|aỽn yno os reingk bod ytti. Myn vym|penn heb·yr

arthur ny|ch gadỽn yno yr hanner vyn teyrnas. kanys nyt

gỽr yỽ hỽnnỽ namyn diaỽl. nyt ydwyf|inneu yn dywedut na

bei glotuaỽr goruot arnaỽ ef. ac ueỻy ny wydyat arthur beth

a|wnaei. ny welei ynteu hayach yn ymgynnic y ymlad ac efo. ~

Yma yr ydys yn tewi am arthur. a|e dylỽyth. ac yn|traethu am|baredur.

E Ma* y mae yr ymdidan yn dywedut vot paredur yn tri+

gyaỽ gyt a|e|vam tra vu digrif genthi. ac o|r diwed drỽy

gennat y vam ef a aeth ymeith. ac a dywaỽt y deuei dra|e gevyn

gyntaf ac y gaỻei. Ac yna ef a|doeth y|r fforest ac a varchockaaỽd

yny vu hanner dyd. Ac yna ef a|doeth y lannerch deckaf o|r byt

ym|perued y fforest. ef a|edrychaỽd o|e|vlaen. ac a|arganuu bebyỻ

coch. ac odyna ef a|edrychaỽd parth a|r penn araỻ y|r ỻannerch.

ac a|arganuu marchaỽc urdaỽl yn eisted dan vric prenn. a ~

diỻat gỽynnyon ymdanaỽ. a ỻestyr o eur yn|y laỽ. ac yn|y penn