LlGC Llsgr. Peniarth 11 – tudalen 227v

o geissyaỽ gỽalchmei. yr hỽnn y clywssei chwedleu nyt oed dec gan+

thaỽ dim o·honunt y ỽrthaỽ. Paham heb·y laỽnslot a glyweist

di am·danaỽ ef amgen no da. Kigleu heb ynteu herwy* |etpỽyt*

ym. kanys gynt yr oed ef yn vilỽr da clotuaỽr. ac yr aỽr·honn

nyt oes yn|y|byt vn waeth noc ef. kanys ef a|vu yn|y tỽrnei+

mant. a|mi ˄a gyfar·uuvm a|r toruooed* yn|dyuot odyno. y rei

a|oed·ynt yn dywedut na welsynt eiryoet cachadrwyd na ỻy+

vyrder vỽy ar wr nac a|oed arnaỽ ef. Eissyoes medynt ỽy

yr|oed y·gyt ac ef varchaỽc urdaỽl da dewr. Yn|wir heb·y la+

ỽnslot ny aỻaf|i credu vy·th y vot ef yn gachyat nac yn ỻỽfyr.

a mi a|af o|e geissyaỽ ef ac o|r mynny ditheu dyuot dabre.

Yna meliot a|gychwynnaỽd y·gyt a laỽnslot ac y·gyt ỽynt a

varchocaassant yny doethant hyt yn ymyl y ty atueilye+

dic. yn|y ỻe yd oed y brenhin a gỽalchmei. ac yd oedynt wedy

esgynnu ar vedyr mynet ymeith. eissyoes nyt yttoedynt ỽy

mor dilesteir udunt a|hynny. nyt oed dec ganthunt ỽynte+

u trigyaỽ yno. Ac yna dyuot tu ac att y seith marchaỽc

a|wnaethant y rei a|oedynt yn aruaỽc. a|tharaỽ yn eu pl+

ith. ac ỽynteu a|e herb·ynnassant ar benneu eu gweỽr*.

A C ar hynny y|doeth laỽnslot a meliot attunt.

Ac|ar|hynt yd˄nabu arthur a gỽalchmei ef. ac ar y

dyuotyat ef a drewis vn yny vyd drỽy berued y gorff. a

meliot a|ladaỽd vn araỻ. A|phan|weles arthur a gỽal  ̷+

chmei hynny. ỻawen uv ganthunt. Ac yna laỽnslot a

meliot a|rydhaaỽd y bont y arthur ac y walchmei. y ỻeiỻ

a|ffoassant heb lyuassu aros mỽy arnunt. Ac yna y