LlGC Llsgr. Peniarth 190 – tudalen 38
Ystoria Lucidar
38
yr eifft. yn yr vn aỽr honno. Sef oed hynny
hanner nos. yd yspeilyaỽd crist uffern. ac
y goleuhaaỽd ef y nos megys y dyd. megys
y dywedir. Y nos a oleuheir megys y|dyd.
a|gỽedy yspeilaỽ uffern. a chyflehau yr etho+
ledigyon ym paradỽys y govỽyaỽd y corff
yn|y bed a|defroi o veirỽ. Rei hagen a|synny+
aỽd mae o|r pan vu varỽ ef yny gyuodes y
bu ef gyt a|r etholedigyon yn uffern. ac ody+
na mynet ygyt ac ỽynt y gyuodi. ac nyt
veỻy y bu. kyhyt y bu ef yn uffern. ac y
bu yn yspeilaỽ. ac y byd yn barnu dydbraỽt.
Sef yỽ hynny. ennyt y trewit yr amrant ar
y ỻaỻ. discipulus|Paham na chyuodes ef yr aỽr y bu
varỽ. neu nat ymarhoes ynteu a|vei hỽy
am gyuodi. Magister|Rac dywedut na buassei uarỽ.
neu pei kyuodei ympenn ỻawer o amser
petrus vydei ae ef oed. discipulus Paham y kyuodes
ef mor ebrỽyd a|hynny. Magister Yr didanu y rei ei+
daỽ a|oedynt drist am y|varỽ. discipulus Paham y
kyuodes ef y|dyd kyntaf o|r wythnos. Magister Yr at+
| « p 37 | p 39 » |