LlGC Llsgr. Peniarth 31 – tudalen 13v
Llyfr Blegywryd
13v
guastrotyon. Y verch a uyd vn vreint a merch
y bard teulu. Y ebediỽ uyd wheugeint.
Gỽastraỽt auỽyn galanas a sarhaet ys+
syd idaỽ mal y dywespỽyt vry. Ef a dyly pe+
ri yr brenhin y varch a|e arueu yn paraỽt
pan y mynho. Ac a|e deily pan ysgynho a phan
disgynho. Ac a|e dỽc o|e lety. O ebolyon anreith
ran gỽr a geiff. Y verch vn vreint uyd a merch
bard teulu. Y ebediỽ yỽ wheugeint. Naỽd
dryssaỽr ystauell yỽ hebrỽng y dyn hyt at y
porthaỽr. Y sarhaet a|e alanas a uydant me+
gys y dryssaỽr neuad. Y tir a geiff yn ryd. A|e
varch yn wastat y gan y brenhin. Sỽydocyon
a allant yn ryd mynet yr neuad. ac yr ystaf+
uell. ac yr gegin. O pop anreith a del yr porth;
y porthaỽr a geiff y llỽdyn diwethaf. Y porth+
aỽr a geiff pedeir keinaỽc o pop karch·araỽr
a garcharer trỽy vn nos. Galanas a sarha+
et coc a vydant megys y dywespỽyt vry. y
tir a geiff yn ryd. A|e varch yn wosseb y gan y
brenhin. Amysgar yr holl aniueileit a lather
yn|y llys a geiff y coc eithyr y calloneu. Ran
a geiff o aryant y guestuaeu. A|e verch a uyd
vn vreint a merch bard teulu. A wheugeint
| « p 13r | p 14r » |