LlGC Llsgr. Peniarth 35 – tudalen 59v
Llyfr Cynghawsedd
59v
emdyheurau. ac ny dau arnau o llys ony bit a
doter arnau onyt o deỽ. Sef eỽ e| kentaf kem
tri gobir a guerth en angkyfreithaul. ar eyl eỽ
er reuot enteỽ en geghaus ar e datleu hỽn
nỽ gent o gellyr proỽi ỽn o|r deỽ henne ar+
naỽ. llys waul eỽ honno arnaỽ.
a ffodyaut eỽ egnat ar e ỽraut a ỽar+
no pedyỽ e barnus. O pedyỽ ny|s barnus.
Os adef e barnu. O guata e barnu nyt ta+
ffodyauc enteỽ. ac o guata enteỽ barnu e
ỽraut a barno a cenys guato o gellyr pro+
ỽi arnau y barnu byt saffedic e braut
Nyd oes llys ar keghaus onyt er rody o·ho+
naỽ ef arỽoll neỽ cedernyt arall na·d|ayth
en erbyn e datleu hỽnnỽ neỽ en erben e| nep
a| cenhalyo. Nyd| oes llys er egnat na|r er kegha+
ỽs herwyt e buchet en kyfreith ỽyth. cany dele lle+
yegyon barnu ar buchet nep. ac na dele den
a ỽo lley e ỽrdeỽ noc effeyrat barnu ar buched
nac y achau oc eỽ pechodeu.
O deruid e| den mỽnu en teruenu. Jaun eỽ
deuot ar e tyr ac ar e teruyn. ac ena e
mae Jaun er haulur dangos e| ỽreynt a|y
e ỽot ef en keghellaur a|y e| ỽot en ỽayr
a|y ỽot en suydauc brenynaul a ỽey uch e
vreynt ef no breynt er amdiffenur neỽ en+
teỽ e| ỽot en pryodaur neỽ enteỽ en keg ar+
badu ac na dedyỽ en amdifenor ac ena e
mae Jaun er amdiffenur dangos e breynt
| « p 59r | p 60r » |