LlGC Llsgr. Peniarth 36A – tudalen 16v
Llyfr Blegywryd
16v
eithyr y cledyfeu ar kyllyll. a llotreu. Eu
meirch heuyt or collir y nos ef ae| tal. Y neb
a dywetto geir garỽ neu eir hagyr ỽrth
y brenhin. talet idaỽ gamlỽrỽ deu dyblyc
Punt a hanher a daỽ yr brenhin vn
weith pan rotho maeroniaeth neu
gyghelloryaeth y ỽr ae dylyho. Ny cheiff
maer na chyghellaỽr na chylch na dofreth
ar ỽr ryd. Maer a ran y tevlu pan elhont
ar dofreth. Maer a dyly peri yr brenhin
pob peth or a dylyo y gaffel o gyfreith yn| y
vaeroni ef. Maer a chyghellaỽr a dylyant
gaffel trayan gobreu merchet bilaeneit
y brenhin. a thrayan eu kamlyryeu. a
thrayan y hebediweu. a thrayan yt y sa+
ỽl. a ffohont or wlat. a thrayan yt ar bỽ+
yt o pob marỽty tayaỽc. Maer bieu
rannu pob peth. a righyll bieu dewis yr
brenhin. Or damweinha yr maer na
allo daly ty. kymeret ef y tayaỽc a dewis+
so yn| y vaeroni vlỽydyn or kalan mei
yr llall. a mỽynhaet ef laeth y tayaỽc
yr haf. ae yt y kynhayaf. ae uoch y
| « p 16r | p 17r » |