LlGC Llsgr. Peniarth 36A – tudalen 58v
Llyfr Blegywryd
58v
werth kyfreith ar y tauaỽt. trỽy yr hỽn
y poenir pob braỽdỽr a rotho kam uraỽt
os kadarnha trỽy ymỽystylaỽ O teir fford
y dosperthir braỽt gyghaỽs. kyntaf yỽ
trỽy odef. kanys godef a tyrr pob kygh+
aỽs. os braỽdỽr a odef gỽystyl yn erbyn
y varn yn tagnefedus heb rodi gỽrth ̷+
ỽystyl yna; dygỽydedic vyd y varn. Eil
yỽ braỽtlyfyr rỽg deu ỽystyl. Sef yỽ hyn+
ny gỽystyl a rother yn erbyn barn. A
gỽystyl arall a| rother gyt ar varn honno.
Tryded fford yỽ braỽdỽr bieu dosparth rỽg
deu dyn yg|kyghaỽs am y varn a rodassei
vdunt heb ymỽystlaỽ ac ef. Tri pheth
a dyly braỽdỽr eu datganu pan varnho
haỽl. ac atteb. a barn O tri mod y kyll
braỽdỽr gamlỽrỽ o varnu ac ny chyll gỽ ̷+
erth y tauaỽt. vn yỽ pan diuarnho y kyf ̷+
ryỽ a varnassei gynt yn| y gyffelyb achaỽs.
Eil yỽ pan el ar gyfeilorn yn datganu da ̷+
dyl or kadarnha mỽy neu lei. noc a uu o
eireu grym. yn| y dadyl. Trydyd yỽ na ro+
| « p 58r | p 59r » |