Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 44v

Llyfr Blegywryd

44v

a llithyaỽ y kỽn. a|dyget y cỽn a|r croen a|r afu. a|r ~
ỽharthaỽr ol atref gantaỽ. ac ony doant y kyny+
dyon y nos honno; kymeret ef y kic oll. a|chatỽet
y kỽn a|r croen y|r kynydyon. O|r lledir yr hyd haner
dyd yn tref breyr; katỽet yn gyfan ef hyt y nos. ac
ony doant y kynydyon yna; gỽneler am hỽnnỽ mal
y llall. Os gyt a|r nos neu hyt nos y lledir; tanet y
breyr y vantell arnaỽ. a|chatỽet velly hyt y|bore. ac
ony doant y kynydyon yna; gỽnaet ymdanaỽ yn|y
mod dyỽededic. y neb a|ỽnel velly am hyd brenhin
a|lader yn|y tref. ny byd kerydus o|gyfreith. Hel  ̷ ̷+
ỽryaeth y brenhin a vyd hyt galan gayaf. Odyna
hyt ympen y naỽuetyd; y kynydyon bieiuyd yr
hela. O galan gayaf hyt ỽyl ieuan ny byd gol+
hỽython kyfreithaỽl yn hyd brenhin. O hynny
allan deudec golỽyth kyfreithaỽl a vyd yn hyd
brenhin. Tafaỽt. tri golỽyth o|r mynỽgyl. kym  ̷ ̷+
hibeu. callon. deulỽyn. iar. tumon. hydgyllen.
herỽth. afu. y|neb a dycco neb o|r rei hynny heb
ganhat y|kynydyon; kamlyryus vyd. drostunt