LlGC Llsgr. Peniarth 45 – tudalen 284
Brut y Brenhinoedd
284
raual lyureu a darogan myrdin. A
darog·an yr eryr yg kaer septon. Ac
o cathleu Sibli y edrych a|uei prud yr
attep a dugassei ef y gan yr angel. Ac
gỽedy na welas dim yn gỽrthỽynebu idaỽ
y annoc a oruc alan y uuudhau yr angel
a pheidaỽ ac ynys. prydein. Ac anuon iuor y uab
ac ini y nei hyt ynys. prydein. rac diffodi dyle+
daỽc o lin teyrned ynys. prydein. Ac rac mynet
gwelygord y arnei. ~ ~ ~ ~ ~ ~ ~
AC yna yd|ymedewis Catwaladyr
uendigeit a phob beth bydaỽl yr ca+
ryat duỽ ac yd aeth hyt yn ruuein.
Ac yna y cadarnhaỽys sergeius pap ef ym
plith rif y seint gleinyon. Ac yn|y lle y
cleuychws. Ac yn|y deudec·uet dyd gỽedy
kalan mei yd aeth o|r byt hỽn y dragy+
wydaỽl wlat nef. yn|yr ỽythuet ulỽ+
ydyn a phedwar ugeint a seith cant
gỽedy geni mab duỽ O|r arglỽydes ueir
AC yna gỽedy kyn +[ diweir wyry.
nullaỽ o iuor uab Catwaladyr. Ac
ini y keuynderỽ a allyssant o longeu hỽy
a|doethant ynys. prydein. Ac ỽyth mlyned a
thrugeint y|buant yn ryuelu a saesson.
| « p 283 | p 285 » |