LlGC Llsgr. Peniarth 46 – tudalen 117
Brut y Brenhinoedd
117
gueithredoed Meuryc. ỽrth gadỽ y gof yr
hynny hyt hediw ~
A|Guedy llad y Rodric. y rodes Meuryc ran
o|r alban y|r alban bobyl orchyuygedic a|r
dothoed y·gyt a Rodric y bresswlyaỽ yndi. a|r
wlat a rodes ef udunt ỽy a elwit catneis.
a|r wlat honno diffeith oed heb neb yn|y chy ̷+
uanhedu. a guedy nat oed wraged udunt.
sef a wnaethant erchi y|r brytannyeit eu
merchet. ac eu caresseu yn wraged udunt.
ac eu naccau a wnaethpỽt udunt. canyd oed
teilỽng ganthunt rodi eu merchet nac eu
merche caresseu udunt. Sef a wnaethant ỽy+
nteu mynet hyt yn ywerdon. ac odyno
dỽyn guraged udunt. ac o|r rei hynny kyn+
ydu plant ac etiued a thyuu pobyl. a|r bo+
byl honno yỽ gỽydyl fichti. a llyna meg ̷+
ys y doethant a|r achaỽs y kynỽyssỽt yn
gyntaf eyroet yn yr enys hon. ac yr hynny
hyt hediw y maent yn ormes heb uynet o+
honei. a chanyt arueytheis y traethu o|r
guyr hynny nac o|r yscotyeit. y rei heuyt a
gynydassant dechreu eu kenedyl o|r rei hyn+
ny ac o|r gỽydyl. sef y peideis a rei hynny.
ac ymchuelut y traethu o|m defnyd uu ̷
hun.
| « p 116 | p 118 » |