LlGC Llsgr. Peniarth 46 – tudalen 286
Brut y Brenhinoedd
286
uannoed byt. a|r parth arall idaỽ yd oed y|gỽe+
irglodeu. a|r fforesteu yn|y teckau. ac o uyỽyn*
caer y dinas yd oed tei brenhinaỽl eureit. ac
ef oed yr eil dinas a geffylybit y|ruuein. o|tec+
ket y|tei ac amlet y|gyuoeth a|e syberỽyt.
a dỽy eglỽys arbennic oed yndaỽ yn enryded
y iulius uerthyr. a manachloc gỽerydon oed
yndi. a honno oed y|trydyd archescopty. ynys. prydein.
a|r amser hỽnnỽ arderchaỽc oed dinas caer ̷
llion o deu can hyscol. ac athraỽon yn canu
yndunt o amryual geluydodeu. a|chymeint
a|paratoet yna ac yd oed teilỽg y|ryỽ ỽled a
honno. ac yna yd anuonet y|bop gỽlat o|r|a
oresgynnassei arthur y ỽahaỽd y|brenhined a|r
tyỽyssogyon. a|r ieirll. a|r barỽneit. a|r march+
ogyon urdaỽl. a|r gỽyrda. y|gymryt y|breint.
a|e dylyet. ac yna y|doethant. araỽn uap kyn+
uarch brenhin yscotlont. Vryen uap kynuarch
brenhin. reget. Catỽallaỽn laỽhir urenhin. gỽy ̷ ̷+
ned. Meuryc urenhin. dyuet. Cadỽr urenhin. ker ̷+
nyỽ. a|thri archescop o ynys. prydein. archescop llun ̷ ̷+
dein. ac archescop caer euraỽc. a|difuric ar+
chescop caerllion ar|ỽysc. a hỽnnỽ oed benn+
| « p 285 | p 287 » |