LlGC Llsgr. Peniarth 46 – tudalen 336
Brut y Brenhinoedd
336
dinas bangor. a|gỽedy clybot o|r bryttan+
nyeit eu creulonder yna y|doeth bledrys ty+
ỽyssaỽc kernyỽ. a|maredud urenhin. dyuet.
a chatuan urenhin. gỽyned. map oed hỽnnỽ
y iago. Map. beli. Map. einaỽn. Map. maelgỽnn
gỽyned. a gỽedy dechreu y|urỽydyr. drut
a chalet uu yr aerua o|bop parth. a|thrỽy
rat duỽ y goruu y bryttannyeit. ac y|bra+
thỽyt edelflet a|e gymell y|fo a|e lu. Sef
eiryf a|las o|lu edelflet. hỽe gỽyr. a thru+
geint. a|deg mil. ac o barth y|bryttanny+
eit y|dygỽydaỽd. bledris tyỽyssaỽc kernyỽ.
ac nyt oed haỽd ỽybot eu rif ygyt ac ef.
A C yna yd|ymgynnullaỽd yr holl
uryttannyeit hyt yg|kaer lleon
ac o|e kyt·gygor y|gỽnaethant
Catuan. Map. Jago yn urenhin. arnadunt. ac
odyna ymlit elflet hyt y|tu draỽ y|hum+
yr. ac yna y|deuth elflet a|r|holl urenhi+
ned saesson ygyt ac ef yn erbyn catuan.
a gỽedy eu dyuot ygyt y|tagnouedỽyt
yrydunt yn|y ỽed honn. Gadu y edelflet
o|r tu draỽ y|humyr. a|chatuan yn uren ̷ ̷+
hin
| « p 335 | p 337 » |