Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 357

Brut y Brenhinoedd

357

hetuenaỽl. ac ny bydei gynt hynny noc
yny keffit esgyrn Catwaladyr uendigeit
o ruuein a|e dỽyn hyt yn ynys. prydein. a hynny
a keffir o|r diwed pan dangosser esgyrn y
seint ereiỻ a|cudyỽyt y·gyt ac ef Rac of+
yn y paganyeit yn ruuein. a phan gaffer
yr esgyrn hynny y keiff y bryttanneit eu har+
glỽydiaeth ar ynys. prydein. ac gỽedy caffel o
Catwaladyr y|dỽywaỽl atteb hỽnnỽ. y do+
eth at alan urenhin ỻydaỽ y uenegi hyn+
AC yna y kymyrth alan am + ny idaỽ
raual lyureu a darogan Myrdin. a
darogan yr eryr yg kaer septon. ac
o cathleu Sibli y edrych a|uei prud yr
attep a|dugassei ef y|gan yr agel. ac
gỽedy na welas dim yn gỽrthỽynebu idaỽ
y annoc a|oruc alan y uuudhau y|r agel
a|pheidaỽ ac ynys. prydein. ac anuon iuor y uab
ac ini y|nei hyt ynys. prydein. rac diffodi dyle+
daỽc o lin teyrned ynys. prydein. ac rac Mynet
gwelygord. y arnei. ~ ~ ~ ~ ~ ~ ~ ~ ~ ~ ~
A C yna yd|ymedewis Catwaladyr
uendigeit a phob beth bydaỽl yr ca  ̷+
ryat duỽ ac yd aeth hyt yn ruuein;