Caergrawnt, Llsgr. Coleg y Drindod O.7.1 – tudalen 32v
Llyfr Blegywryd
32v
wreic ỽrthot a dyly trigyaỽ yn|y thy
hyt ym pen y naỽuetdyd. Ac yna or
gollyghir hi y ỽrth y gỽr yn hollaỽl
pob peth or eidi hi a dyly yn gyntaf
mynet or ty. Ac odyna gan dỽyn y
llall ef a dyly rodi dilystaỽt yr wreic
gyntaf. kany dyly un gỽr dỽy wra+
ged o gyfreith. Pỽy bynhac a atto
y wreic. Ac a uo ediuar gantaỽ y ga+
du. A hitheu wedy y rodi y ỽr arall
os gordiwed y gỽr kyntaf ar neill
troen* y myỽn y gỽely ar llall y maes
y gỽr kyntaf o gyfreith ae keiff.
Or gỽatta gỽreic y godineb; rodet
lỽ deg wraged a deugeint. Ac uelly
y gỽr a watto. llỽ deg wyr a deugeint
a dyry. Ac am y tri chadarn enllip
y rodir y reitheu hyn. Or byd y
wreic achaỽs dybryt gyt a gỽr ar+
all. Ae o gussan. Ae o ouyssyaỽ. Ae
o ymrein y gỽr a dichaỽn y gỽrthot
a hi a dyly colli y holl dylyet o rodi
cussan heb un or deu ereill. Or ky+
tya a gỽr a gỽreic gỽr arall. talet idaỽ
y sarhaet dan y hardrychafel vn
| « p 32r | p 33r » |