Llsgr. Bodorgan – tudalen 118
Llyfr Cyfnerth
118
Tri pheth dyn a differ rac gỽys dadleu;
lleuein ac vtgyrn rac llu gorwlat. A llif
yn auon heb pont a heb geubal. A chlefyt
gorweidaỽc. Tri chyffredin kenedyl. pen
kenedyl. A theispan tyle. A mab y wreic
a rother o rod kenedyl y eu gelyn. hỽnnỽ
a dyly bot yn gyffredin rỽg y dỽy genedyl.
Tri ergyt ny diwygir. y garỽ yn yt. ac
y gi yn yt. Ac y ebaỽl gỽyllt yn yt. Tri
dyn kas kenedyl. lleidyr. A thỽyllỽr. ka+
ny ellir ymdiret udunt. A dyn a latho
dyn o|e genedyl e| hunan. kany dylyir
llad y kar byỽ yr y kar marỽ. kas vyd
ynteu gan paỽb. Tri mefyl uethyant
gỽr. bot yn ỽr arglỽyd drỽc. A bot yn dryc
karỽr. A bot yn llibinỽr yn dadleu. Tri
aneueil yssyd uỽy gỽerth eu teithi noc
eu gỽerth kyfreith. ystalỽyn. A tharỽ
trefgord. A baed kenuein. kanys yr en+
ryal a gollir o|r collir ỽynteu. Tri·pheth
a dyly dyn colli y dadyl yr dahet vo y def+
nyd. llys kyn amser. A thyst ar vach. A ch+
adỽ gỽedy gỽrthot. Tri grỽndwal doethi+
nab. mabaỽl ieuenctit y dyscu. A chof
| « p 117 | p 119 » |