Llsgr. Bodorgan – tudalen 26
Llyfr Cyfnerth
26
ac adef ran arall o dadyl heb weithret yndi.
Ac yna gan leihau reith ossodedic y gỽedir
megys y myỽn mechni. LLe y tygei y ma+
ch ar y seithuet gan wadu y vechniaeth
oll; yno y tỽg e| hunan gan wadu ran ac
adef ran arall o|r vechni. Tri ryỽ tỽg yssyd
kadarnhau gỽir gan tygu trỽydaỽ per+
ued. Eil yỽ gỽadu geu gan tygu trỽydaỽ
perued. Trydyd yỽ tygu peth herwyd kyt+
ỽybot. yr hyn ny ỽypper yn diheu peth vo ae
GOf llys a geiff penn +[ gỽir ae geu.
eu y| gỽarthec a lather yn| y gegin ae
traet. eithyr y tauodeu. y ymborth ef ae
was a daỽ o|r llys. yn rat y gỽna ef gỽeith
y llys oll eithyr tri gỽeith. kallaỽr. A bỽell
aỽch lydan. A gỽayỽ. Gof llys bieu keiny+
on kyfedỽch. Ef bieu pedeir keinhaỽc o pop
karcharaỽr y diotto heyrn y arnaỽ. Y tir a
geiff yn ryd. Gỽiraỽt gyfreithaỽl a geiff o|r
llys. lloneit y llestri y gỽallofyer ac ỽynt y+
n| y llys o|r cỽrỽf. Ac eu hanher o|r bragaỽt.
Ac eu trayan o|r med. Ef yỽ y trydy dyn a
geiff y messur hỽnnỽ. Odyna y righyll.
yn diwethaf y trullyat. Ny eill neb gof
| « p 25 | p 27 » |