LlGC Llsgr. 24049 (Boston 5) – tudalen 24
Llyfr Blegywryd
24
P Enguastraỽt a|geiff ẏ gan ẏ diste+
in ẏ gaẏaf croen ych. A|chroen buch ẏr
haf ẏ|wnneuthur kebẏstreu ẏ|ve+
irch ẏ brenhin. A|hẏnnẏ kẏnn ranu ẏ|cr+
ỽẏn rỽg ẏ distein a|r sỽẏdogẏon. Ef a|ge+
iff coesseu ẏ gỽarthec a|lather ẏnn|ẏ gegin.
O arẏant ẏ guastrodẏon ẏ|keiff rann deu
wẏr. Hen gẏffrỽẏ. a|hen ffrỽẏn amỽs ẏ|br+
enhin a|geiff. Pen·guastraỽt a|r|guastro+
dẏon a|gaffant ẏr ebolẏon gwẏllt oll a
del ẏ|r brenhin o traẏan anreith. Ancỽẏn
nẏt amgen. seic. Ef a|dẏlẏ ẏstẏnnu pob
march a|rotho ẏ|brenhin. Ac o|bop march
ẏ|keiff ef pedeir keinnaỽc eithẏr o tri me+
irch. Ẏ|march a|rother ẏ|r offeirat teulu.
A|r hỽnn a|rother ẏ vraỽdỽr llẏs. A|r hỽnn
a|rother ẏ|croessanneit. Kannẏs rỽẏmaỽ
troet kebẏstẏr hỽnnỽ a|wneir ỽrth ẏ|dỽ+
ẏgeill. ac vellẏ ẏ|rodir. Ẏnteu a|dẏlẏ rodi
gan bop march kebẏstẏr. Ef a|dẏlẏ ẏ|br+
aỽdỽr ẏ|varch ẏn gẏỽeir. Ẏ|braỽdỽr a|dẏlẏ
dangos idaỽ ef ẏ|gẏfreith a|e dẏlẏet ẏn
| « p 23 | p 25 » |