LlB Llsgr. Cotton Cleopatra A XIV – tudalen 103r
Llyfr Cyfnerth
103r
erwyd pop un or rei hynny a| rodant tys+
tolyaeth y dyn ar y dylyet. Teir kyfrinach
yssyd well eu hadef noc eu kelu. colledeu
arglỽyd a chynllỽyn a llad o| dyn y tat ot
adeuir yg kyfrinach.
TRi aniueil un·troetaỽc yssyd. march.
A hebaỽc. A gellgi. Pỽy bynhac a| tor ̷+
ho troet un ohonunt talet y werth yn
hollaỽl. Tri pheth ny thelir kyn coller
yn ranty. kyllell. a| chledyf. a llaỽdỽr. ka ̷+
nys y neb bieiffont a dyly eu cadỽ. Teir
sarhaet kelein ynt. pan lather. pan ys+
peiler. pan uyrhyer yn| y orwed. Teir
guarthrut kelein ynt. gouyn pỽy ae llad ̷+
aỽd. pieu yr elor hon. pieu y bed hỽn.
Tri gỽg ny diwygir. gỽg gỽr ỽrth y wreic
a gymerho ar ureint morỽyn a| hitheu
yn wreic. A dyn a| diffethaer o gyfreith.
a| dyn oe genedyl yn guneuthur gỽg am
hynny. A gỽg dyn ỽrth gi yn| y ruthraỽ.
Teir gauael nyt atuerir. dros letrat.
| « p 102v | p 103v » |