LlB Llsgr. Cotton Cleopatra A XIV – tudalen 70r
Llyfr Cyfnerth
70r
yssan eu perchyll atuerher trayan eu gue ̷+
rth tracheuyn. OR llad moch dyn talet
eu perchenaỽc y alanas.
Kyỽ gỽyd tra uo dan adein y uam ke ̷+
inhaỽc kota a| tal. Or pan el y dan ade ̷+
in y uam keinhaỽc kyfreith a| tal. Duỽ
aỽst dỽy geinhaỽc kyfreith a| tal. Ac yna
vn werth ae uam. Iar keinhaỽc cota
a| tal. Keilaỽc keinhaỽc cota a| tal.
Karỽ yỽ vn werth ac vn ardrychaua ̷+
el ac ych. Ac ewic a| buỽch. Iỽrch vn
werth ac vn ardyrchauel ac gauyr. Ac
uelly kaeriỽrch a| bỽch. Gỽythỽch un
werth ac un ardyrchauel yỽ a| hỽch tref.
Broch ny allỽys ygneit hywel da dodi
guerth kyfreith arnaỽ canys y ulỽydyn
y bei y uynyglaỽc ar y moch breint ki.
a| gymerei ynteu yna arnaỽ. Ar ulỽydyn
y bei y gyndared ar y cỽn breint hỽch
a| gymer ynteu yna arnaỽ. Yscyuarna ̷+
ỽc ny wnaethpỽyt guerth kyfreith ar+
nei
| « p 69v | p 70v » |