Llsgr. Caerdydd 1.363 (Hafod 2) – tudalen 124r
Brut y Brenhinoedd
124r
thedyc. Emreys Wledyc en annoc y crystonogy+
on ac en eỽ dyscỽ. heyngyst en dyscỽ e pag+
anyeyt ac en eỽ hannoc. A hyt tra edoedy+
nt wy en ymffrwst e ỽelly. eydol hagen a oed
en wastat o|y holl enny en keyssyaỽ ymkaffa+
el a heyngyst. ac ny|s kaỽas. kanys heyngyst
pan weles y kytemdeythyon en pylỽ ac en dar+
estwng. ar brytanyeyt trwy amneyt dyw a|e
kanhwrthwy en gorỽot. ffo a gwnaeth heyng+
yst a chyrchỽ kaer kynan. er honn a elwyr en
awr kynan esbwrc. ac esef a orỽc emreys y
erlyt. a phwy bynnac a kaffey onadvnt en er
er·lyt honno gwr llad new enteỽ en tragywyd+
aỽl keythywet ỽydey. Ac gwedy gwelet o he+
yngyst y vot en|y erlyt ny mynnỽs enteỽ kyrchv
e kastell. namyn eylchwyl galw y nyfer en ỽedy+
noed ac ymlad en erbyn emreys. kanys ef a wy+
dyat en dyheỽ na alley ef kynhal e kastell rac
emreys ar brytanyeyt namyn dody y holl amdy+
ffyn a|e holl dyogelỽch en|y wayw a|e cledyf. ac
o|r dywed gwedy dyỽot emreys. enteỽ a osso+
des y wyr en ỽydynoed; a dechreỽ emlad en wychyr.
| « p 123v | p 124v » |