Llsgr. Caerdydd 1.363 (Hafod 2) – tudalen 13r
Brut y Brenhinoedd
13r
yn hely. Ar kennadeỽ hynny a oỽynnassa+
nt ydaỽ pa kanhyat oed ydaỽ ef y hely ffo+
rest y brenyn. kanys gossodedyc oed o hyn*
kynneỽaỽt hyt na laỽassey nep hep kan+
hyat hely yn fforest y brenyn na therỽyscỽ
ar yr anyỽeylyeyt a|ỽey yndy. Choryneỽs
hagen a wrthebaỽd ỽdỽnt hyt na cheyssey
ef kanhyat y gan nep y hely yn y lle bey da
kanthaỽ hely yndaỽ. Ac ỽn o|r kennadeỽ yr
hỽn a elwyt ymbert a annelavd y wua ac a
wryws corynevs a sayth. a gochel e sayth h+
agen a orỽc corynevs. a chyrchỽ ymbert ac
a|e wua e|hỽn essygaỽ y penn a orỽc yn dryll+
yeỽ. Ar rey ereyll o|r kennadeỽ a ffoassant.
ac a ỽanagassant y eỽ brenyn agheỽ eỽ kyt+
ymdeyth. a|thrystaỽ a orỽc e brenyn a chyn+
nỽllaỽ llw maỽr vrth dyal agheỽ y kennat
yndỽat*. Ac ysef a wnaeth brỽtỽs pan kygleỽ
eỽ bot yn dyvot kadarnahaỽ y llogheỽ a go+
ssot gwraged ar meybyon yndỽnt Ac ynteỽ
ar holl ymladwyr y gyt ac ef a aeth·ant yn er+
byn y llw. Ac gwedy ymkyỽarỽot y gyt gyrat
| « p 12v | p 13v » |