Llsgr. Caerdydd 1.363 (Hafod 2) – tudalen 157v
Brut y Brenhinoedd
157v
gwedy kaffael o·honaỽ e wudỽgolyaeth ef a
rannỽs y lw en dwy rann. ar neyll rann ar ro+
des y howel ỽap emmyr|llydaỽ. a gorchymyn
ydav mynet y estwng Gwytart tywyssaỽc
pey·tav. Ac enteỽ e|hỽn ar rann arall kanth+
aỽ y oreskyn e gwladoed ereyll en eỽ kylch. Ac en|e
lle gyt ac deỽth howel yr wlat ef a kyrchvs e key+
ryd ar dynassoed. a Gwytart gwedy llawer o y+
mladeỽ en ovalỽs a kymhellỽs y vrhaỽ y arthvr.
Ac odyna Gwasgwyn o fflam a hayarn a anreyth+
vs a|e tywyssogyon a darestynghvs y arthvr. Ac
gwedy llythraỽ nav mlyned heybyaỽ a darvot
y arthvr goreskyn holl wladoed ffreync wrth y
ỽedyant e hỽn. ef a deỽth eylchwyl y parys. ac e+
no e delys lys. Ac eno gwedy galw pavp o|r escolh+
egyon ar lleygyon kadarnhaỽ a gwnaeth ansavd e teyrnas a gossot kyureythyeỽ a chadarnhaỽ hedỽch a thanghe+
ved tros er holl teyrnas. Ac ena er rodes ef y bedw+
yr y penn trwllyat nordmandy a fflandrys. Ac y
key y penn swydwr er rodes angyw a pheytỽ.
a llawer o wladoed ereyll yr dyledogyon ereyll
a oedynt en|y wassanaeth. Ac odyna gwedy hedychỽ
a thangnhevedv pob lle o|r dynassoed ar pobloed
| « p 157r | p 158r » |