LlB Llsgr. Harley 958 – tudalen 15v
Llyfr Blegywryd
15v
gan vn ar·drẏchauel ẏ telir. Ac os gỽria+
ỽc uẏd. herwẏd breint ẏ gỽr ẏ telir idi. Yr
eil ẏỽ rodi cussan idi o|e hanuod. A honno
a ostỽg ẏ traẏan a|uẏd eisseu. Trẏdẏd
ẏỽ ẏ phaluu o|e hanuod. A honno ẏssẏd sar+
haet gỽbẏl idi. Tri chewilẏd kenedẏl
ẏnt. ac o achaỽs gỽreic ẏ maent. ỻathru+
daỽ gỽreic o|e hanuod Eil ẏỽ dỽẏn gỽre+
ic araỻ o|r gỽr ar ẏ phen ẏ|r tẏ. Trẏdẏd ẏỽ
ẏ hespeilaỽ. Tri chadarn enỻip gỽreic ẏnt
vn ẏỽ gỽelet ẏ gỽr a|r wreic ẏn dẏuot o
vn ỻỽẏn vn pop parth ẏ|r ỻỽẏn. Eil ẏỽ
eu kaffel eỻ deu dan vn vanteỻ. Trẏdẏd
ẏỽ gỽelet ẏ gỽr rỽg deu vordỽẏt ẏ wreic.
Tri chẏffro dial ẏssẏd. diaspedein cares+
seu. A gỽelet elor eu kar. A gỽelet bed eu
kar heb ẏmdiuỽẏn. Tri pheth a|haỽl
dẏn ẏn ỻedrat ac nẏ|chẏgein ỻedrat ẏn+
dunt. A·deilat. A|diot coet. Ac eredic.
T ri meib ẏssẏd nẏ dẏlẏant gẏfran o
tir ẏ gan eu brodẏr vn vam vn tat
ac ỽẏnt. Mab a gaffer ẏn ỻỽẏn ac ẏm
perth ac ẏn aneduaỽl. A gỽedẏ hẏnnẏ kẏm+
rẏt ẏ vam o rod kenedẏl. a chaffel mab ar+
aỻ. nẏ dẏlẏ hỽnnỽ kẏfrannỽ tir a|r mab
a|gahat kẏn noc ef ẏn ỻỽẏn. ac ẏm|perth
| « p 15r | p 16r » |