Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 61r
Ystoria Lucidar
61r
dedigrỽyd tragyỽydaỽl. Dogynn o|bop ryỽ da hep
neb ryỽ eissev. Dyỽet hynny yn amlygach. Seith
gogonnyant gỽahannredaỽl a|uyd yr corff. A|se+
ith yr eneit. Yn|y corff y|byd. Tegỽch. A|buanrỽ+
yd. A chedernit. A|rydit. A iechyt. Ac ewyllys.
A hirhoedyl. Yn|yr eneit yntev y byd. Doethinep.
A|duundeb. A chedemeithas. A|medyant. Ac ann+
ryded. A diogelrỽyd o leỽenyd. Ti amdrycheueist
.i. yn vch no my hun o|r hynn y|chỽennychaỽd
vy eneit y waranndaỽ. A mi a|archaf ytti dangos
ymi o|r ryỽ vodeu am|bryt absalon. A|rynghei
vot ytti bettut kynn decket. ac absalon yr
hỽnn nyt oed vann ar|y gorff mỽy noc ar yr
eiry neỽyd odi. A|e wallt a|oed kynn decket ac
y|rodei wraged yr israel naỽ tallden o eur yr a
dorrit bop blỽydynn o ormodyon y ỽallt. Awi
o|r gogonnyant hỽnnỽ. Beth a|oed gynnyt y+
gyt a thegỽch hỽnnỽ. bei bydut kynn vuanet
ac assael y gỽr a drossei yr yrch y|fford y|mynnei
o redec. Aỽi o|r glot. Beth ygyt ar dev hynny.
pei bydut titheu kynn gadarnnet a sampsonn
y|gỽr a ladaỽd mil o|ỽyr arvaỽc. Ac ascỽrnn gen
assen. Awi o|r diruaỽr annryded. Beth ygyt
ar tri hynny bei bydut kynn ryddet ac y bu ces+
sar augustus y|gỽr y|bu gaeth yr holl vyt idaỽ.
| « p 60v | p 61v » |