Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 93v
Buchedd Dewi
93v
enir hyt ym|penn dec mlyned ar|hugeint. Ac ym+
paratoi a|oruc padric yndaỽ. Ac y|daỽ y|lle hỽnnỽ yr
arglỽyd grist. Ar arglỽyd eissoes a|garei padric yn va+
ỽr. Ac a anuones angel attaỽ y|duhudaỽ. Ar angel
a|dyỽat vrthaỽ. padric byd laỽen. yr arglỽyd am
hanuones i attat ti y|dangos yt ynys Jỽerdon o|r
eistedua ysyd yn glyn rosin. Ac a|elỽir yr aỽr honn
eistedua padric. kannys ti a|uydy ebostol yn|yr y+
nys a|ỽely di. A|thra|diodeuy laỽer yno o|garyat
duỽ. A|duỽ a|vyd ygyt a|thi beth bynnac a|ỽnelych.
Ac yna y|llonydỽyt medỽl padric. Ac y|gedeỽis
padric y|deỽi y lle hỽnnỽ. a|pharatoi llong yn|y porth+
loed idaỽ. A|chyuodi o varỽ gỽr a|gladyssit yno ar
y|morua yr ys pymthec mlyned. kruchier oed y
enỽ. A|mynet a|oruc padric y Jỽerdon. Ar gỽr hỽn+
nỽ ygyt ac ef. A hỽnnỽ gỽedy hynny a|uu escob.
Ac ym|penn y|deg|mlyned ar|hugein wedy hynny
val yr|oed y|brenhin a|elỽit sant. yn kerdet e|hun
nacha lleian yr kyfuaruot ac ef. Sef a|oruc yn+
teu ymauael a|hi a|dỽyn treis arnei. ar lleian
a|gauas beichogi. enỽ y|lleian oed nonn. a|mab a
anet idi. A|dauid a|rodet yn enỽ arnaỽ. A|gỽr ny
bu idi hi na chynt na gỽedy. diỽeir oed hi o|ved+
dỽl a gỽeithret. kynntaf gỽyrth a|ỽnaeth deỽi
o|r pann gauas hi veichogi. ny mynnaỽd hi vỽyt
| « p 93r | p 94r » |