Rhydychen, Llsgr. Coleg yr Iesu 57 – tudalen 19
Llyfr Blegywryd
19
gaffer yn|tir ỻys y brenhin. ancỽyn a geiff yn|y
letty. seic a|thri|chorneit o lynn. O|r pan dotto yr
hebogyd y hebogeu yn|y|mut hyt pan y tynno
o|r mut. ny chymheỻir y ỽrtheb o vn dadyl. ~
Kylch vn·weith yn|y vlỽydyn a|geiff ar vilein+
yeit y brenhin. a phedeir keinyaỽc kyfreith
o bop taeaỽctref. neu dauat hesp yn vỽyt y|r
hebogeu. Y dir a|geiff yn ryd. a|e varch y gan y
brenhin. a phop tauaỽt hyd a dycker y benn
B raỽdỽr ỻys a dyly [ y|r brenhin.
rann gỽr o aryant daeredeu. ef a|dyry
pop braỽd o|r a|berthyno y|r ỻys. ac a|dengys kyf+
reitheu. a breineu hoỻ sỽydogyon y ỻys. Ef a
geiff pedeir ar|hugeint y gan bop vn pan dan ̷+
gosso y gyfreith a|e vreint idaỽ. Pan gymero
braỽdỽy˄r y brenhin gobyr am dadyl a varnont.
ef a geif kymeint a rann deu·wr o hynny.
Rỽng yr etling a|r golofyn yd eisted. Ny dyry
ef aryant y|r pengỽastraỽt pan gaffo march
y gan y brenhin. Ẏ gan y neb a orffo pan vo
| « p 18 | p 20 » |