Rhydychen, Llsgr. Coleg yr Iesu 57 – tudalen 194
Llyfr Blegywryd
194
gỽercheitwat dywedut panyỽ ef a|e|gỽeirchedỽ.
Yna y|mae Jaỽn y|r haỽlỽr dywedut. cam yỽ ytti
warchadỽ y meu. i. Yna dywedet yr|amdiffynnỽr
kỽbyl wat yỽ gennyf|i nat oes dim o|th deu di
gennyf|i. a|chyt nat oes. pa beth a|th wahanaỽd
di a|th goỻet. a|pha amser y gỽeheneist di ac ef.
sef achaỽs y mae da gỽybot hynny. o chwe fford
yd|a da|dyn y ganthaỽ. ac o|deir|fford y dyly y
damdỽng. nyt amgen. o|ledrat. ac anghyfarch.
a choỻet o losc. Sef achaỽs y geỻir damdỽng
o|r tri phỽngk hynny. ỽrth na rodes y laỽ ef yn
ỻaỽ y ỻaỻ. ac ỽrth hynny ny* dichaỽn ef eu dam+
dỽng. adneu. a benffic. a|ỻosc. sef achaỽs yỽ
na|s|dylyir. ỽrth eu bot a|e herbynyeit o laỽ y|laỽ.
ỽrth hynny y mae kyfreitholach idaỽ ef y ovyn
yn ỻaỽ y dyn y rodes attaỽ. noc yn|y ỻe y gỽyl.
P ỽy bynnac a vynno damdỽng. ual hynn
y mae idaỽ damdỽng. os marỽbeth a
damdỽng. damdynget a|e laỽ assỽ. ar y ỻe y
mynno arnaỽ. a|e laỽ deheu ar y creir. a|r ỻaỽ
| « p 193 | p 195 » |